Pentrefoelas

Pentrefoelas! Mae ganddi hi ei hanes,
A ddaw tros llawer canrif atom ni.
Rhwng Betws a Cherrigydrudion,
Bu  ganddi ei henwogion
A hoffem ddweud eu stori wrthych chi

Beth wyddoch am Y Giler a Phlas Iolyn?
Beth wyddoch am Dy`r clocsiwr a Bryn Gwyn ?
Beth wyddoch am y morwr
Y llenor neu y soldlir ?
Fe geisiwn ateb rhai o`r cwestiynnau hyn

Mae yma hefyd stori i`r hen Foelas ,
A rhaid peidio ag  anghofio Cernogie mawr;
Ac os nad yw hyn yn ddigon,
Roedd nain i Abraham Lincoln
yn dod o `ryn ty a Rhys y Cawr.

Stori drist yw stori'r ferch o Wern Hywel;
Rhedodd ymaith gyda`ichariad meddai`r son.
Roedd yn bregethwr ac yn siopwr,
Ond collodd ef  y cwbwl
Pan ddrylliwyd y Marchioness ger Sir Fon.