Athrawes/athro â chyfrifoldeb tros iaith mewn Ysgol Gynradd

PWYNTIAU TRAFOD

Dogfennaeth:

Bod yn gyfrifol am bolisïau ar agweddau o ddysgu iaith - mewn ymgynghoriad â'r Pennaeth a gweddill y staff e.e. Darllen; Y Gymraeg a'r Saesneg; Ymateb i Waith Plant a.y.b.

Bod yn gyfrifol am gynllun gwaith ysgol gyfan, a cheisio sicrhau cysondeb, dilyniant a pharhâd yn rhaglenni gwaith pob dosbarth.

Hyfforddiant Mewn Swydd:

Llunio strategaethau ar gyfer lledaenu gwybodaeth am arfer dda (e.e. cyfarfodydd Nos Fawrth, arwyddfwrdd y 'Stafell Athrawon)

Trafod esiamplau o waith safon uchel ym mhob oedran er mwyn codi disgwyliadau athrawon:

(a) fel man cychwyn i drafodaeth (e.e. beth oedd amgylchiadau ffafriol a ysgogodd y gwaith?)

(b) fel nôd i ymgyrraedd ato.

Codi ymwybyddiaeth y staff o gynnwys cyhoeddiadau a allai fod o gymorth iddynt wrth gynllunio gwaith iaith e.e.

* Dogfennau Cymraeg a Saesneg y Cwricwlwm Cenedlaethol - tynnu eu sylw at Y Rhaglenni Astudio a'r Canllawiau Anstatudol

*Dogfennau Gwynedd/Môn ar Lawysgrifen, Darllen a.y.b.

* Cynnyrch Cyngor Cwricwlwm Cymru e.e. Iaith Trafod Iaith

Cynrychioli'r ysgol ar gyrsiau HMS Iaith, ac adrodd yn ôl i weddill y staff - er mwyn eu hymgyfarwyddo â datblygiadau/syniadau/llyfrau newydd ac yn y blaen.

Codi ymwybyddiaeth o Iaith yn y meysydd cwricwlwm eraill (drwy ddarllen erthyglau mewn cylchgronnau, a chasgliadau o gyhoeddiadau newydd e.e. "Books for Keeps".

Arfer Dda:

Sicrhau cysondeb yn y dulliau dysgu drwy gyd-drafodaeth a thrwy godi ymwybyddiaeth o'r hyn sy'n effeithiol, h.y. lledaenu arfer dda o ddosbarth i ddosbarth drwy fonitro datblygiad iaith drwy'r ysgol.

Portffolio'r Ysgol:

Bod yn gyfrifol am bortffolio'r ysgol o esiamplau gwaith plant ar lefelau gwahanol - ei ddiweddaru, ac ymgynghori gyda'r athrawon eraill ynglyn â'i gynnwys.

Adnoddau:

Archebu llyfrau a/neu bod yn ffynhonell ar gyfer cynorthwyo athrawon eraill gyda'u harchebu.

Trefnu ffair lyfrau:

Hwyluso trefniadau ymweliad/ymwelwyr i'r ysgol fel bod plant yn cael y cyfle i ddefnyddio iaith gyda gwahanol bobl, ac i bwrpasau arbennig - er mwyn ceisio hybu profiadau ieithyddol byw ac amrywiol i'r plant.

Trefnu ymweliad(au) awdur neu fardd drwy'r cynllun "Awduron ar Daith".

Rhieni:

Rhannu cyfrifoldeb gyda'r Prifathro/Brifathraes, am gyswllt gyda rhieni e.e. i egluro polisi darllen yr ysgol i rieni newydd, ac i gyd-gysylltu a chyd-gordio gwaith gwirfoddolwyr darllen.