Datblygu Sgiliau Ieithyddol - Chwarae gyda geiriau
______________________________________ Yn ôl..

Dyma ychydig o syniadau hwylus ar gyfer datblygu sgiliau ieithyddol

 
1) Gweithgareddau ‘Lleol’ (gallwch newid yr enwau ar gyfer eich ardal chi).

Ganllwyd, Rhydymain, Llanfachreth, Dinas Mawddwy, Arthog, Llanelltyd, Bont-ddu, Brithdir ...

a. Gosodwch y rhain yn nhrefn yr wyddor.

b. Dosbarthwch nhw yn eiriau deusill a geiriau tri sill.

c. Lluniwch chwilair o’r enwau hyn.

ch. Croeseiriau

G
E
R
R I C H A R D
W I
A N
N T R E B O R
H
Y
S

Fedrwch chi wneud hyn gyda’r cwbl o’r enwau pentrefi? Gwyliwch ch/dd/ll/th/rh!!

2) Beth am gasglu enwau afonydd, mynyddoedd, llynnoedd neu leoliadau eraill, a gwneud gweithgareddau a-ch efo nhw?

* Mae gweithgareddau ieithyddol fel hyn yn addas ar gyfer gwahanol grwpiau h.y. does dim raid i bawb wneud yr un peth yn union. Datblygu’r sgiliau sy’n bwysig.

3) Geiriaduro

Ar gyfer y gweithgaredd yma fe ddylid dangos tudalen neu ddwy o ‘Geiriadur 1’ sydd ar gyfer plant ifanc iawn. Yna fe ellid trafod y canlynol:

       
1) Beth fyddai’n wahanol mewn geiriadur ar gyfer plant o’ch oed chi?

2) Allwch chi feddwl am fwy o eiriau fyddai’n dod rhwng melyn a morfil?

3) Lluniwch dudalen o ‘Geiriadur 2’ ar gyfer y llythyren ‘b’ (gyda brawddeg i egluro’r geiriau).

Len Jones