Fframiau Ysgrifennu Awdurdod Addysg Conwy
_{___________________________}   

CANLLAWIAU DEFNYDDIO FFRAMIAU YSGRIFENNU

COFIWCH:

Ni fydd pob plentyn angen ysgerbydau – canllawiau dros dro ydynt i hybu ysgrifennu annibynnol .

Nid taflen waith yw ysgerbwd, ac ni ddylid byth ei roi i blentyn yn ‘oer.’

Wrth gyflwyno ffrâm, mae’n bwysig cyd-drafod , a modelu/dangos.

Dylai’r plant gael croesi allan, newid ac ychwanegu at y ysgerbwd.

Dylent gael eu defnyddio ar y cyd gyda profiadau ysgrifennu diddorol eraill.

Mannau cychwyn ydynt.

PRYD DDYLID DEFNYDDIO FFRAMIAÚYSGERBYDAU?

I gyflwyno math anghyfarwydd o ysgrifennu.

Os oes rheswm a phwrpas i’r gwaith.

Os yw’r plant yn methu ysgrifennu mewn modd arbennig.

Os yw’r plant yn cymysgu mathau o ysgrifennu.

Os yw ffurf eu hysgrifennu gwreiddiol yn anaddas I bwrpas y gwaith.

SUT Y GALL FFRAMIAÚ/ YSGERBYDAU FOD O GYMORTH?

Gallant ymestyn ysgrifennu plant trwy ganiatáu iddynt roi cynnig ar ysgrifennu ‘anghyfarwydd.’

Gallant helpu plant sy’n cael anhawster i ysgrifennu

Gallant sbarduno ac ysgogi’r ysgrifennwr dihyder.

Gallant gynorthwyo plant o bob oed a gallu, gan gynnwys plant sydd ag anghenion arbennig.

Gallant arwain plant at wahanol fathau o ysgrifennu.

Adnoddau Perthnasol :

‘Ysgerbydau Sgwennu’ Eirwen Jones - cyhoeddwyd gan Sir Ddinbych

‘Writing Frames’ Maureen Lewis a David Wray cyh. RALIC  (ISBN 0-704-91064-0)

‘Writing Across the Curriculum’ Lewis a Wray RALIC 1998  (ISBN 0-704-91266-X)