Bydd llawer o athrawon wrth weithio ar strategaeth codi safonau llythrennedd yn rhoddi ystyriaeth i ychwanegu at stoc llyfrau mawr yr ysgol. Gan eu bod yn adnoddau costus fe ddylid ystyried a fydd y llyfrau yn cyflawni y gofynion addysgol/ymarferol canlynol.

Dylent :

• apelio at blant ac athrawon

• fod yn addas ar gyfer y Cyfnod Allweddol

(o safbwynt cynnwys / cynlluniad)

• gynnwys testun o faintioli digon mawr i’r dosbarth cyfan ei weld

• gynrychioli ystod o "genre" - yn ffuglennol, yn ffeithiol, yn farddonol......

• gynnwys lluniau sy’n ddigon mawr i’r dosbarth cyfan eu gweld

• gynnwys elfennau ieithyddol digonol o safbwynt anghenion addysgu / dysgu

• fod â’r potensial ar gyfer eu defnyddio ar adegau gwahanol ac mewn ffyrdd gwahanol.

Nid llyfr bach wedi ei chwyddo yw llyfr mawr!

Mae llyfrau mawr yn ddrud - dylent, felly, dalu am eu lle.

Prif bwrpas llyfrau mawr - a rhai bach - yw meithrin pleser a diddordeb plant yn y gair printiedig.