Nodir yma rai syniadau a strategaethau a fydd hyrwyddo’r gwaith:

1. Dylai llafaredd fod yn ganolog i brofiadau cwricwlaidd y plant.

2. Ar dro dylid darparu cyfleoedd i blant

a) siarad am eu profiadau

b) drafod agweddau o’r cwricwlwm

c) drafod pwnc llosg e.e. hela/adeiladu ffordd osgoi/maes chwarae’r pentref (CA2)

3. Mae grwpiau bychain yn caniatau i fwy o blant gyfrannu i drafodaeth, o’i gymharu â threfniadaeth dosbarth cyfan.

4. Un elfen o arfer dda yw crynhoi gweithgareddau’r bore neu’r prynhawn trwy i blant adrodd am yr hyn a wnaethant.

5. Mae meysydd fel Hanes yn cynnig cyfleoedd i blentyn chwarae rôl neu osod eu hun yn y sefyllfa cymeriad arbennig, gan ateb cwestiynau’r plant eraill.

6. Dylai’r dosbarth sy’n ymwneud â Llafaredd fod yn fwrlwm o swn - siarad ond nid o weiddi na thaeru!

7. Gellir strwythuro tasgau trafod fel eu bod yn peri i’r plant ymarfer:

a) ffurfiau berfol amrywiol        

gorffennol	dyfodol
roedden ni...	Mi fydda’i yn...
mi gawson ni...	Gobeithio y caf i ...
Llenwodd Mrs Miller y jwg...	Pryd fydd o’n barod?

b) ffurfiau cystrawennol amrywiol:

e.e. Os bydd hi’n braf mi gawn ni...
        Pan ddaeth o’n ôl roedd pawb wedi synnu
        Taswn i’n un o’r Rhufeiniaid, mi faswn i ...
        Dwi’n meddwl ei fod o’n...
        Geith o fynd allan ran?

Ffurfiau llafar yw’r rhain ond maent yn berthnasol i ysgrifennu hefyd.