• Roedd y fframwaith creu Cynllun Datblygu a gyflwynodd yr awdurdod i ysgolion yn 1996 yn rhoi pwyslais sylweddol ar gynnal dadansoddiad manwl o sefyllfa gyfredol yr ysgol fel rhagbaratoad ar gyfer arenwi blaenoriaethau cwricwlaidd a chyllidol yn y CD.

• Datblygwyd y gwaith ymhellach eleni drwy gynhyrchu dogfen sirol. Mae arweiniad clir ynddi i ysgolion ar sut i gynnal adolygiad ysgol gyfan yn flynyddol. Trwy’r adolygiad bydd staff, pennaeth a llywodraethwyr ysgolion yn gallu adnabod cryfderau a gwendidau’r sefydliad a dynodi blaenoriaethau am y flwyddyn i ddod.

• Ynghlwm â’r fframwaith newydd mae arweiniad ar gynnwys CDY. Argymhellir fod y CDY yn cynnwys:
• blaenoriaethau a thasgau
• targedau meintiol ac ansoddol
• dangosyddion llwyddiant
• dulliau monitro
• manylion HMS ynghyd â’r adnoddau a’r cyllid a glustnodir i gwblhau’r tasgau

Dylai pob ysgol osod targedau clir ar gyfer gwelliant, sy’n briodol i’w hamgylchiadau eu hunain, a’u hymgorffori i’w cynlluniau ôl-arolygiad a’u cynlluniau datblygu.

• Cynghorir ysgolion i ddilyn y drefn ganlynol wrth osod targedau:

• Yr athrawes ddosbarth i bennu targedau rhagweledig diwedd cyfnod allweddol yn y meysydd craidd o leiaf dwy flynedd cyn i’r disgyblion sefyll y profion h.y. B0 ar gyfer B2 (defnyddir gwybodaeth yr asesiad sylfaen), B2 ar gyfer B4, B4 ar gyfer B6. Bydd y targedau yn seiliedig ar ddata profion ac adnabyddiaeth yr athrawes o’r disgyblion

• Trafodaeth gyda’r pennaeth ar darged pob unigolyn er mwyn sicrhau bod y targedau yn ddigon uchelgeisiol (SMART)

• Ar sail targedau rhagweledig unigolion cytunnir ar dargedau ysgol gyfan.

• Cymherir targedau’r ysgol yn erbyn y targedau dalgylchol, sirol a chenedlaethol yn ogystal ag yn erbyn perfformiad y flwyddyn flaenorol o ddisgyblion

• Gwneir addasiadau pellach i’r targedau yn ôl yr angen

• Cynhelir cyfarfod staff er mwyn cyfathrebu’r targedau a chytuno ar y strategaethau addysgu fydd eu hangen er mwyn cyflawni’r targedau

• Trafodir y targedau gyda’r ymgynghorydd cynradd/swyddog addysg

• Cyflwynnir y targedau i’r corff llywodraethu am drafodaeth pellach ac fe’u hymgorfforir yn y CDY gan nodi’n glir y tasgau sydd i’w cyflawni er mwyn cyrraedd y targedau

• Cyhoeddir y targedau yn Llawlyfr yr ysgol

• Gynhyrchu data i bob ysgol sy’n cymharu eu perfformiad yn y meysydd craidd yn erbyn perfformiad y dalgylch a pherfformiad yr awdurdod.

• Cynhyrchwyd data dalgylch sy’n dangos perfformiad y dalgylch yn erbyn dalgylchoedd eraill yn y meysydd craidd yn ogystal â gwahaniaeth rhwng perfformiad bechgyn a genethod.

• Cynhaliwyd cyfarfod dalgylch er mwyn
• hyfforddi’r penaethiaid ar ddulliau dehongli data
• trafod perfformiad y dalgylch - gwendidau a chryfderau
• nodi blaenoraethau HMS y flwyddyn ganlynol.

• Ymwelodd y swyddog addysg neu ymgynghorydd cynradd â phob ysgol gyda chanlyniadau yn y chwartel isaf er mwyn trafod eu strategaethau ar gyfer gwella perfformiad y disgyblion.

• Cynhaliwyd cwrs i lywodraethwyr ysglion ar ‘Godi Safonau.’ Rhoddwyd sylw i
• osod targedau
• dehongli data
• hunan arfarnu
• a CDY