Yn ôl..
                       

SAFONAU AC ANSAWDD MEWN YSGOLION UWCHRADD

MEDRAU ALLWEDDOL YN CA3 A CA4

Mater Allweddol

Ymateb yr Awdurdod
Ar lefel yr ystafell ddosbarth
  • Hybu cyfranogiad llawn y disgyblion mewn gwaith llafar, yn cynnwys trafodaethau estynedig, a datblygu eu hyder wrth wneud cyflwyniadau unigol a grp.
  • Sicrhau bod y disgyblion yn darllen amrywiaeth o ddeunydd addas yn rheolaidd ac yn dysgu medrau cymryd nodiadau, crynhoi a chywain gwybodaeth.
  • Cynllunio tasgau sy’n gofyn i ddisgyblion ysgrifennu’n rheolaidd yn eu geiriau eu hunain ac ar gyfer amrywiaeth o ddibenion.
  • Adnabod cyfleoedd mwy cyson ac estynnol i ddisgyblion ddefnyddio a chymhwyso medrau rhif a TG.
  • Cynllunio gwaith sy’n gofyn i ddisgyblion gydweithio, trafod a chytuno ar benderfyniadau, ac i egluro a chyfiawnhau eu hatebion i broblemau arwyddocaol.

 
  • Trefnwyd cyrsiau yn y gorffennol gan y Tîm Ymgynghorol, ar lefel yr Awdurdod, yn rhoi sylw i wahaniaethu wrth ddatblygu llafaredd.
  • Ar lefel sirol ac ysgol rhoddwyd sylw i hybu gwaith grp gyda’r nod ar ddatblygu trafodaethau estynedig gan ddisgyblion.
  • Manteisir ar yr ymweliadau Hawl a Haeddiant er atgoffa athrawon o bwysigrwydd hybu cyfranogiad llawn a hyderus gan y disgyblion mewn gwaith llafar.
  • Yn ystod y Gynhadledd Prifathrawon Uwchradd a drefnir gan dîm CYNNAL ym mis Tachwedd un o’r meysydd a gaiff sylw yw datblygu darllen ar draws y Cwricwlwm. Hyderir y bydd hyn yn fan cychwyn addas ar gyfer codi ymwybyddiaeth o bwysigrwydd y medrau hyn.
  • Trefnwyd cyrsiau sirol a chyrsiau HADA er mewn rhoi hyfforddiant i athrawon ar sut i ysgogi disgyblion i ddefnyddio llyfrau ffeithiol, ac yn sicr credir bod hyn wedi dwyn ffrwyth yn yr ysgolion cynradd.
  • Cynhaliwyd sesiynau HMS ar lefel ysgol ar draws y cwricwlwm, yn cynnig arweiniad i athrawon ar sut i lunio tasgau.
  • Rhoir sylw cyson i hyn hefyd yn ystod ymweliadau Hawl a Haeddiant ac yn ystod cyrsiau HMS sirol a drefnir gan y Tim Ymgynghorol.
  • Y mae cyrsiau a drefnir eleni ar gyfer Consortiwm Môn ac Arfon (Uwchradd) yn bwriadu rhoi sylw i hyn. Bwriedir cynnal gweithdai i lunio canllawiau polisi rhifedd ar draws y cwricwlwm.
  • Cynhelir cwrs iaith yn cynnig hyfforddiant i athrawon Meirion/Dwyfor ar sut i lunio cyfleoedd TG yn eu cynllun gwaith yn ogystal â chynnig hyfforddiant ar ddefnyddio rhaglenni addas.
  • Ymdriniwyd â hyn mewn cwrs HMS Technoleg.
  • Hefyd trafodwyd y mater hwn yn ystod y cwrs HMS ar Wahaniaethu Ar Draws Y Cwricwlwm.
Ar lefel adrannol
  • Datblygu neu ddiweddaru cynlluniau gwaith sy’n nodi cyfleoedd rheolaidd ac estynnol i ddisgyblion ymarfer a chymhwyso medrau allweddol.
  • Rhoi sylw i’r cynnydd a ddisgwylir o flwyddyn i flwyddyn yn natblygiad y medrau.
  • Parhau i ddatblygu a gwella gweithdrefnau ar gyfer hunan-asesu o fewn pynciau.

 

 

 

 

 

  
  • Yn ystod ymweliadau Hawl a Haeddiant rhydd yr ymgynghorwyr sylw i :-
  • edrych a yw’r cynllunio ar gyfer datblygu medrau allweddol yn digwydd
  • ansawdd y ddarpariaeth
  • annog ysgolion, nad ydynt eisoes yn gwneud hynny, i gyfeirio at fedrau allweddol o dan bennawd ychwanegol yn eu cynlluniau gwaith.
  • Trefnwyd, hefyd, gwrs gan y Tîm Ymgynghorol yn edrych ar y defnydd o Iaith ar draws y Cwricwlwm ar gyfer athrawon pynciau yn hytrach nag athrawon y Gymraeg
  • Monitrir gwaith yr adrannau yn ogystal â’u cynlluniau gwaith gan yr ymgynghorwyr.
  • Rhoir sylw yn ystod ymweliadau i bwysigrwydd annog disgyblion i ymateb i nodau’r wers gan werthuso’u perfformiad ar y diwedd.
  • Paratowyd dogfennau gan yr ymgynghorwyr yn cynnig arweiniad i athrawon y gwahanol bynciau ar asesu. Gwahoddwyd gweithgor o athrawon i gyd-weithio â’r ymghynghorydd pwnc a cheir adran yn y ddogfen pynciol ar hunan asesu.
Ar lefel ysgol
  • Paratoi neu adolygu polisïau ysgol a chanllawiau sy’n rhoi sylw i’r holl fedrau allweddol, sy’n helpu i hyrwyddo dulliau addysgu cyson ac yn darparu fframwaith o ddisgwyliadau ar draws adrannau pwnc.
  • Adeiladu ar yr arfer dda sy’n amlwg wrth adolygu cynnydd disgyblion yn CA4 a, lle bo angen, helpu’r digyblion yn y ddau gyfnod allweddol i osod targedau priodol ar gyfer gwella agweddau ar eu perfformiad eu hunain.
  • Ei gwneud yn fwy amlwg i’r disgyblion a’u rhieni sut y gall cyfranogi mewn rhaglenni ABCh, gweithgareddau allgyrsiol a bywyd cyffredinol yr ysgol wneud cyfraniad gwerthfawr at ddatblygiad medrau personol a rhyng-bersonol.
  • Monitro’r ffordd y caiff polisïau eu gweithredu a chloriannu eu dylanwad ar addysgu, dysgu a safonau.

 

 

  
  • Bydd yr ymgynghorwyr yn edrych ar bolisïau ysgol ac adrannol yn ystod ymweliadau ac fe’u hanogir i adolygu’u polisiau’n gyson.

 

  • Cynigir arweiniad i ysgolion drwy’r ddogfen Gosod Targedau a baratowyd gan y Tîm Ymgynghorol. Ynddi pwysleisir y dylai targedau ysgol gyfan ddeillio o dargedau grp, gyda’r targedau hynny yn deillio o waith unigolion.
  • Anogir athrawon i ystyried a rhagweld lle gwelant grp unigol yn ei gyrraedd o fewn amser penodol, a sicrhau eu bod yn ymateb i’r anghenion er cyrraedd y nod a aseswyd, mewn dull priodol ac ymestynnol.
  • Cefnogir yr ysgolion yn eu darpariaeth fugeiliol, ymhob agwedd o’r gwaith.
  • Trefnir rhaglen o ymweliadau monitro mewn ymgynghoriad â’r swyddog addysg lle rhoir sylw i’r mater hwn, a pharatoir adroddiad wedi’r ymweliad ac fe’i cyflwynir i’r Cyfarwyddwr Addysg.
Ar lefel ysgol ac AALl
  • Cynyddu ymwybyddiaeth y staff o’r berthynas agos rhwng gallu disgyblion i gymhwyso medrau allweddol yn effeithiol a chyflawni safonau uchel yn eu gwaith pwnc.
  • Darparu rhaglenni datblygu staff o ansawdd da sy’n helpu athrawon i adnabod a lledaenu enghreifftiau o arfer dda wrth addysgu medrau allweddol o fewn ac ar draws adrannau pwnc.

 

 

  
  • Ymdrinwyd â hyn yn y cwrs HMS sirol Iaith ar draws y cwricwlwm. Trefnwyd cyrsiau, hefyd, ar lefel ysgol.
  • Cynhelir trafodaeth ymysg y Tìm Ymgynghorol sy’n arwain at sicrhau bod y neges yn cael ei lledaenu i’r ysgolion.
  • Y mae’r ymweliadau Hawl a Haeddiant yn sicrhau bod athrawon yn adnabod enghreifftiau o arfer dda.
  • Wrth ddatblygu’r rhaglen HMS y mae’r drefn weithredu yn caniatau i athrawon ddatgan eu hanghenion hyfforddiant a’u blaenoriaethau. Adroddir arnynt yn y cyfarfodydd ‘Paneli Pwnc’ a bydd hyn yn sail i lunio rhaglen HMS yr Awdurdod ar gyfer y flwyddyn ganlynol.