Fel rhan o waith ein dosbarth ar Ddwr, aethom ni ar daith ar hyd lan yr Afon Clywedog.

Mae tarddiad yr afon i fyny ym mynydd Minera uwchben pentref Coedpoeth, ac yna mae hi’n cychwyn ar ei thaith i lawr y dyffryn.

Dechreuodd ein taith ar ôl i ni groesi'r rhyd. Mae pobl, ceir a cheffylau yn gallu croesi dros y rhyd. Wrth gerdded gwelsom nifer o lednentydd bychain yn llifo i mewn i'r Afon Clywedog. Gwelsom saith o lednentydd i gyd yn llifo mewn i'r brif afon.

Ar hyd y daith fe wnaethom nifer o arbrofion diddorol. Roedd un grwp wedi mesur lled yr afon ar wahanol adegau o'r daith. Mesurodd y grwp arall gyflymder yr afon. Sylwodd pawb fod yr afon yn mynd yn fwy a mwy llydan a'r dwr yn llifo yn gynt a chynt wrth deithio i lawr y dyffryn.

Wrth gerdded heibio Melin y Nant eglurwyd i ni pa mor bwysig oedd yr afon i weithio'r felin brysur yn yr hen ddyddiau. Erbyn hyn mae'r olwyn fawr wedi diflannu a'r hen adeilad yn cael ei ddefnyddio fel Canolfan Astudio'r Amgfylchfyd.

Dilynsom yr afon drwy'r goedwig nes i’n taith ddod i ben yn ymyl Gwaith Haearn Bersham.

Gadawsom yr afon i lifo ymlaen nes cyrraedd pen ei thaith hithau yn yr Afon Ddyfrdwy nes i lawr y dyffryn.

Blwyddyn 3 a 4, Ysgol Bryn Tabor, Coedpoeth