Yn y blynyddoedd ar ôl i’r Titanic suddo roedd llawer o bobl yn awyddus i’w darganfod. Ond y dirgelwch oedd union leoliad y llong, a doedd y dechnoleg ddim ar gael i’w chyrraedd BETH BYNNAG. Gorweddai’r Titanic 3,798 fetrau (12,460 troedfedd) o dan y môr – 39 gwaith uchder twr Big Ben.

Yna, yn 1985, arweiniodd Dr Robert Ballard dîm o arbenigwyr i chwilio am weddillion y llong. Defnyddiwyd cwch tanfor fechan o’r enw Argo wedi’i rheoli gan beiriannau. Anfonwyd lluniau fideo yn ôl ganddi i’r llong ymchwil.

Ar ôl dyddiau o chwilio ofer, un dydd ymddangosodd llun o wrthrych ar fonitor y llong ymchwil – delwedd o foiler enfawr. Roedd y Titanic wedi ei darganfod! Roedd hi wedi torri’n ddwy a’i chynnwys wedi eu gwasgaru ar wely’r môr.

Ddwy flynedd yn ddiweddarach â thechnoleg wedi datblygu ymhellach, gyrrwyd cwch tanfor arall, y Nautile i waelod y môr, gyda chamera fideo symudol a allai ffilmio y tu mewn i ystafelloedd y Titanic. Roedd gan y Nautile ddwy fraich robotig oedd yn eu galluogi i godi amrywiaeth o wrthrychau bach a mawr fel teganau, arian a gemau.

Ar dir sych, glanhawyd ac adnewyddwyd y gwrthrychau hyn i’w dangos mewn arddangosfeydd. Mae’r rhain yn ein hatgoffa o’r rhai a gollodd eu bywydau yn y drychineb ac yn gymorth i ddweud stori’r Titanic a’r teithwyr.

_{______________________________________}