Dylai Ysgol Bryn Tabor gael gwell adeiladau nac sydd ganddynt ar hyn o bryd.

Lleolir yr ysgol yng Ngoedpoeth, a’r dref agosaf yw Wrecsam. Ym mhentref Coedpoeth mae tair ysgol sef Ysgol Babanod Penygelli, Ysgol Iau Penygelli ac Ysgol Gymraeg Bryn Tabor. Ar hyn o bryd mae Ysgol Bryn Tabor yn rhannu adeiladau efo Ysgol Babanod Penygelli. Nid yw hyn yn drefniant boddhaol.

Yn gyntaf does dim digon o le ar y buarth nac ar y cae i’r plant i gyd chwarae. Felly mae’n rhaid cael amser chwarae gwahanol i blant y ddwy ysgol. Anfantais hyn ydi ei bod hi’n anodd iawn i blant un ysgol ganolbwyntio ar eu gwaith pan fo plant yr ysgol arall yn chwarae’n swnllyd y tu allan. Wrth gwrs, mae’n rhaid i blant gael cyfle i wneud swn wrth chwarae!

Yn ail, mae’n rhaid rhannu’r neuadd. Er fod hyn yn anghyfleus oherwydd amser gwasanaeth, amser cinio a gwersi addysg gorfforol, nid yw’n broblem enfawr am y rhan fwyaf o’r flwyddyn. Ond amser cyngherddau Nadolig, Gwyl Ddewi, a Noson Wobrwyo mae’n achosi hunllefau i’r ddau brifathro a chur pen mawr i’r athrawon. Tydi hi ddim yn deg disgwyl i bobl weithio dan amgylchiadau fel hyn.

Yn drydedd, a dyma’r broblem fwyaf o lawer, mae helynt y parcio. D’oes dim maes parcio hwylus wrth yr adeiladau. Byddai hyn yn beryglus pe tae ond un ysgol ar y safle, ond gyda dwy ysgol mae’n sefyllfa erchyll.

Gellir datrys y broblem mewn un a ddwy ffordd. Gellir codi estyniad at Ysgol Iau Penygelli ac uno’r ddwy ysgol cyfrwng Saesneg ar un safle. Byddau hynny o fantais iddynt hwy hefyd. Yr ateb arall fyddai codi adeilad newydd sbon i gartrefu Ysgol Bryn Tabor.

Mae un peth yn sicr – mae hi’n amhosibl i bethau parhau fel y maent.

Blwyddyn 5, Ysgol Bryn Tabor

_{______________________________________}