(1) Cyfarwyddiadau

• blawd

• beicarb

• siwgr

• wy

• llefrith wedi suro

• menyn

• ffrwythau sych

Hidlwch y ddau gynhwysydd cyntaf i bowlen.

Rhowch y gweddill yn y bowlen a’u cymysgu.

Bydd angen toddi’r menyn gyntaf.

Coginiwch y teisennau cri mewn padell ffrio boeth iawn, gan eu troi drosodd nes eu bod yn barod.

Bwytewch nhw’n boeth neu yn oer, efo menyn.

(2) Cyfarwyddiadau

Gwnaethom deisennau cri

Heddiw, yn ystafell 7, gwnaethom deisennau cri. Cafodd pawb gyfle i hidlo’r blawd a’r beicarb. Rhoddais i’r siwgr i mewn, rhoddodd Beca’r wy i fewn ac Iwan roddodd y llefrith. Tarodd Iwan y bowlen drosodd gan golli rhywfaint o’r gymysgedd. Fi wnaeth lanhau’r llanast.

Wedi cymysgu’r cynhwysion, roedd yn rhaid tywallt y menyn a’i gymysgu.

Goginiom y teisennau cri a’u bwyta. Roeddynt yn flasus iawn!

(3)Cynwysion

• un cwpan o flawd codi

• ½ llwy de o beicarb

• 2 lwy fwrdd o siwgr

• 1 wy

• ½ cwpaned o lefrith wedi suro

• 60 gram o fenyn

Dull

1. Hidlo’r blawd a’r beicarb

2. Ychwanegu’r wy, llefrith a’r siwgr

3. Cymysgu

4. Tywallt y menyn toddedig i mewn

5. Cymysgu eto

6. Rhoi’r gymysgedd, llwyaid ar y tro, mewn padell ffrio boeth (160^oC)

7. Coginio nes bod swigod yn ymddangos yn y gymysgedd

8. Trowch i grasu’r ochr arall

(4)Cyfarwyddiadau

Bydd angen i chwi gael cwpaned o flawd. Codi ½ llond llwy de o beicarb a’u hidlo nhw i bowlen. Yna, bydd angen i chwi roi un wy, 2 lond llwy fwrdd o siwgr a ½ cwpaned o lefrith wedi suro, a’i gymysgu nes ei fod yn edrych yn llyfn. Rhaid i chi doddi’r menyn a’i gymysgu efo’r stwff arall.

Rydych yn cynhesu’r badell ffrio drydan a rhoi llwyaid ym mhob cornel.

Wedi i chi goginio’r teisennau cri, maent yn blasu’n grêt. Dwi’n hoffi bwyta’r gymysgedd cyn iddo gael ei goginio.