_______________________________
Gweithgareddau ieithyddol yn seiliedig ar ffuglen gyfoes ar gyfer disgyblion Blwyddyn 7, 8 a 9 ( CA3 ).
Lluniwyd y gweithgareddau hyn gan weithgor bychan o athrawon o ysgolion cynradd Môn, Gwynedd a Chonwy, dan arweiniad Ymgynghorydd y Gymraeg ac Athrawes Ymgynghorol. Y bwriad oedd creu deunyddiau heriol a symbylus a fyddai yn gymorth i feithrin medrau llenyddol plant yn ogystal â’u medrau ieithyddol. Gosodwyd hwy yn gyntaf ar Safle Llythrennedd Cynnal, fel rhan o brosiect Llythrennedd ar y Wê dan arweiniad Mr. Gareth Hughes, Pennaeth Ysgol y Borth, dan nawdd Grant Cynnal Addysg a Hyfforddiant.
Er mwyn datblygu dealltwriaeth y disgyblion o’r deunydd llenyddol, ac er mwyn meithrin eu sgiliau ieithyddol, dylid sicrhau digon o gyfleoedd iddynt ymwneud â gweithgareddau llafar ac ysgrifenedig. Cynhwyswyd amrywiaeth o weithgareddau yma fydd yn hybu defnydd o’r iaith mewn gwahanol sefyllfaoedd, lle gall y disgyblion weithio yn unigol, mewn parau, grwpiau a dosbarth cyfan. Gellir hefyd ganolbwyntio ar rai elfennau ieithyddol penodol lle gwelir yr angen, wrth gwrs. Dylid manteisio ar unrhyw gyfleoedd i ddefnyddio TGCh yn ogystal.
Ystyriwyd y dogfennau canlynol wrth baratoi’r deunydd, ac awgrymir y dylid gwneud defnydd cyson ohonynt wrth ymarfer yr iaith :
