yn ôl

Gweithgaredd 4
Dadl

Rhannwch yn grwpiau o dri. Bydd hanner y grwpiau o blaid Project Dwr yr Ucheldir a’r hanner arall yn erbyn. Dylai pob grwp fynd ati i ysgrifennu cyflwyniad dim mwy na 5 munud o hyd, i’w gyflwyno i gynulleidfa dorfol, yn gosod eu dadleuon o blaid/yn erbyn y cynllun.

Nodweddion Cyflwyniad

  • Agor gyda: Annwyl Gyfeillion
  • Esbonio am beth rydych yn mynd i siarad
  • Trefnu’r dadleuon gan eu cyflwyno fesul un gan gynnig rhesymau drostynt
  • Cefnogi eich barn â pheth gwybodaeth
  • Cynnwys peth hiwmor efallai
  • Cwestiynau rhethregol (ddim angen atebion)
  • Iaith lafar naturiol
  • Cloi gyda: Diolch am eich gwrandawiad a gobeithio eich bod yn cytuno gyda ni.

 

 

Dyma rai cymalau i’ch cynorthwyo:

Yn y lle cyntaf… Yn ail… Yn ogystal…

Dadl arall yw… Er hynny… Er gwaethaf hyn…

Yn sicr… Heb amheuaeth… Yn fwy na dim…

Yn bennaf… Yn bwysicach… Ar y llaw arall…

O ganlyniad… Yn olaf… I derfynu…

Dewisiwch un grwp o blaid ac yn erbyn y cynllun i roi eu cyflwyniad i weddill y dosbarth. Cofiwch osod eich dosbarth fel cyfarfod cyhoeddus gyda’r dadleuwyr yn wynebu’r gynulleidfa. Gofynnwch i’ch athro neu’ch athrawes gadeirio y cyfarfod.

Wrth gyflwyno eich dadl ceisiwch beidio ei darllen yn slafaidd ond cewch daflu cipolwg arno bob hyn a hyn. Cofiwch rannu’r dadleuon fel bod pob aelod o’ch grwp yn cael cyfle i siarad.

Ar ôl clywed y ddwy ochr i’r ddadl gall y gynulleidfa holi cwestiynau i’r panel a mynegi eu barn eu hunain.

Ar ddiwedd y cyfarfod gallwch gynnal pleidlais.