Yn ôl

 O’r diwedd llyfr am bêl-droed! Nid oes llyfr tebyg iddo wedi bod ar gael yn yr iaith Gymraeg o’r blaen - dyna un rheswm yn unig i gael golwg ar y llyfr hwn sydd yn cynnwys deg o storïau pêl-droed. Mae hanner ohonynt yn rhai gwreiddiol Cymraeg a’r hanner arall yn addasiadau o’r Saesneg. Mae dwy o’r storïau gan ferched, sef ‘Plan ‘A’ gan Emily Huws a ‘Tymor a hanner’ gan Siân Eleri Davies, ond nid ysgrifennu yn unig am ferched sydd yn hoffi chwarae a gwylio pêl-droed maent ond yr hwyl ar sbort wrth geisio ennill. Mae chwarae’n dda yn bwysig ond mae buddugoliaeth yn bwysicach!

Mae disgrifiadau gwych o bob agwedd o’r gêm o’r digri i’r dieflig - dyma ran o stori Emily Huws.

....o’r munud cychwynnodd yr em hawliodd Anj y Bel. Hi oedd yn ei rheoli hi. Hi benderfynai i bwy o’n tîm ni roedd hi’n ei throsglwyddo. Hi oedd yn ei driblo a’i chicio hi, ei phenio a’i phlastro hi ei dyrnu hi a’i waldio hi, ei lambastio hi a’i slannu hi ,ei saethu hi a’i sodro hi i mewn i’r gôl, eu gôl nhw , dro ar ôl tro ar ôl tro. ’Pwy yw Anj? Darllena y stori ‘Fflach’ i ddarllen mwy amdani!

Storïau am dimau ysgol a thimau ifanc lleol sydd yn y gyfrol. Buaswn wedi hoffi darllen o leiaf un stori am chwaraewr pêl droed yn y brif gynghrair: dyna sydd ar goll yma roedd angen unarddeg stori yn y gyfrol, un i bob aelod o dim pêl-droed, nid deg - ond arwydd o lyfr da yw fod rhywun eisiau darllen mwy! Un o’r pethau pwysicaf wrth chwarae pêl-droed yw gallu ‘darllen gêm’ sef gwybod ble i fod a phryd i fod yno ar y cae chwarae. Dyma gyfle i ddarllen am y gêm ac mae’n rhaid gwybod ble i gael copi a phryd i fod yno i’w gael!

Gyda llun neb llai na Ryan Giggs ar y clawr dyma gasgliad o storïau iw mwynhau drosodd a throsodd.

Sgorio Bob Tro
Gomer
 £4.50