|
|
‘Coed
Criafol saif yn gyntaf, |
| Meddai’r
hen rigwm sy’n dal yr atebion i’r hyn sydd ar ddigwydd yn y stori wirioneddol
ddychrynllyd yma. Mae’n rhan o’r gyfres Gwaed Oer, a chredwch fi, hon
yw’r un waethaf eto! Mae’r stori’n dilyn hanes Cleo sydd newydd symud
i fyw i’r Morfa gyda’i rhieni a’i brawd. Mae’n sylwi bod y gwynt sy’n
chwythu’n ddi-baid yno yn tawelu yn ystod y nos, ac ar yr adegau hyn,
mae’n clywed swn rhywun yn prowlan o gwmpas tu allan i'r ty. Mae’r hen
goed criafol sydd yn arwain at y ty yn cael eu torri i lawr a’r rhain
sydd wedi cael eu plannu yno i gadw ysbrydion drwg draw! Heb amddiffyniad
y coed mae’r ffordd yn glir i ddewiniaeth dywyll ddod yn ôl. Mae’n rhaid
i Cleo a’r gath sydd wedi byw yn y Morfa erioed geisio ymladd yn ôl, ond
sut? Mae’r stori hon yn llawn arswyd ac i’r rhai nerfus ohonoch fel fi,
rhybudd: peidiwch â darllen y llyfr yn eich gwely ar eich pen eich hun.
Jest rhag ofn ichi glywed, fel y gwnaeth Cleo, rhywbeth yn symud yn y
wardrob….
Teitl: Y Gath a’r
Cythraul |
