Deunyddiau Darllen Grwp                                                           
GWEITHGAREDDAU: STORIAU     

 

Yr Wy Pasg

Pwyntiau trafod

  1. Ar ôl darllen y paragraff cyntaf holwch y plant pa fath o berson/anifeiliaid maent yn ei gredu sydd yn y stori.
                
  2. Darllenwch yr ail a’r trydydd paragraff. Oeddech chi’n iawn?
                
  3. Beth ddigwyddodd i Tada?
                
  4. Pa fath o anifail yw Blewsyn?
               
  5. Pam nad yw Titw’n hoffi siocled ar ddiwedd y stori?
               
  6. Oedd hi’n deg fod Blewsyn wedi cael y bai am y llanast gan ei feistr ar ddiwedd y stori? Trafodwch.

 

Ffocws iaiethyddol - defnyddio ebychnod

  1. Defnyddir ebychnod i ddynodi rhywbeth doniol neu annisgwyl neu pan fydd rhywun yn gweiddi (weithiau caiff y geiriau sy’n cael eu gweiddi eu ysgrifennu mewn priflythrennau hefyd).
              
  2. Gallwch ddod o hyd i engreifftiau da o’r tri math yn Campiaith 1 ar tud. 56.
                 
  3. (Nodyn i’r athro - Os gallwch chwyddo’r stori i ddwy dudalen A3 a’u lamineiddio, bydd yn haws i’r plant wneud y gwaith sy’n dilyn ac fe allwch ddefnyddio’r un tudalennau drosodd a throsodd) Defnyddiwch bin ffelt i gylchu pob ebychnod sydd yn y stori. Faint ydych wedi eu cylchu? Fe ddylech fod wedi darganfod 24 i gyd!
                
  4. Trafodwch pam fod ! yn cael ei ddefnyddio mor aml ac i pa bwrpas. Oes engraifft o’r tri math yn y stori?
                      
  5. Er mwyn ymarfer y defnydd o’r ebychnod ymhellach gellir defnyddio’r darn sydd ar tud. 57 o Campiaith neu defnyddio darn o’r stori heb ei atalnodi a gofyn i’r plant ei atalnodi.