Pwyntiau Trafod

Wedi cwblhau'r darllen, gofynnwch y cwestiynnau isod i'r plant i brofi'u dealltwriaeth.  Dylent gyfeirio ar yr ateb yn y testun.

1. Beth yw enw'r arddangosfa gyntaf?

2.  Beth ddigwyddodd i Gwydion?

3.  Pam fod tad Nia yn ddyn pwysig yn y pentref?

4. Sut mae ymwelwyr i'r Ganolfan yn cael cymorth i ddeall yr arddangsofa?

5.  Beth arall, heblaw'r arddangosfa, sydd yn Celtica a pham eu bod yno?

6. Fedr y plant feddwl am lefydd tebyg y maent wedi ymweld â hwy?

7. Pam eich bod yn clywed Yma o Hyd gan Dafydd Iwan wrth adael yr arddangosfa?

Ffocws - edrych ar sut mae creu paragraffau da

1. Dwyn sylw'r plant at y nifer o baragraffau sydd yn yr erthygl. Trafod pam fod angen paragraffau.

2. Darllen y frawddeg gyntaf ym mhob paragraff.   Beth ydyn nhw?  Cyfeirio at be' mae nhw? Mae hyn yn rhoi trefn ar yr ysgrifennu

3. Edrych ar y paragraff sydd â'i frawddegau wedi'u cymysgu (gweler y daflen A3). Fedrwch chi roi trefn arnyn nhw?  Cofiwch ddod o hyd i'r frawddeg agoriadol sy'n sôn am gynnwys y paragraff.

4.  Fel gwaith cartref, ysgrifennwch baragraff yn disgrifio eich cartref.  Cofiwch feddwl am y frawddeg gyntaf, mae honno'n bwysig.  O hyn ymlaen, pan fyddwch chi'n ysgrifennu, fedrwch chi gofio trefnu eich gwaith yn baragraffau.   A oes angen meddwl amdanyn nhw cyn dechrau ysgrifennu?

ATEBION