Mae ysgol Pen-y-bryn Bethesda yn agos iawn at galon Brenda Wyn Jones.  Yma y daeth i'r ysgol pan yn blentyn ac fe fu yn fyfynagair yma hefyd.   Mae plant ysgol Pen-y-bryn wedi bod yn ffodus iawn ei bod mor fodlon dod i drafod ei llyfrau gyda ni.  Pan yn sgwennu 'Bwli a Bradwr' roedd yn dod i ddarllen penodau i blant Pen-y-bryn i weld oeddent yn "gweithio".  Eleni, mae hi wedi bod yn ymweld eto ac fe gafodd ein dosbarth ni (Glyder) glywed 'drafft' penodau cyntaf ei llyfr diweddaraf.  (Mae'n swnio'n dda iawn!) Ar ei hymweliad olaf gyda'n dosbarth ni fe fuom yn ei holi am ei bywyd a'i gwaith - (gwybodaeth yn y ffeil  feithioau)  Os yw Pen-y-bryn yn agos at galon Brenda Wyn Jones mae Brenda yn agos at ein calonnau ni, mae'n un o'n hoff awduron.

	Mae Brenda Wyn Jones yn byw yn Nhregarth.
	Cafodd ei geni yn 17 Carneddi, Bethesda (nawr yn garej Elen).
	Aeth i Ysgolion Carneddi, Pen- y bryn ac Ysgol Sir Bethesda.
	Roedd hi eisiau bod yn feddyg pan roedd hi'n fach.
	Dechreuodd ysgrifennu llyfrau pan oedd yn 25 oed.
	Pan adawodd Brenda Wyn Jones y coleg aeth i ddysgu mewn ysgol yn Nolgellau.
	Dechreuodd ysgrifennu llyfrau am fod prinder am lyfrau Cymraeg ar yr adeg honno.
	Y llyfr cyntaf a ysgrifennodd oedd storiau 'Fflach Jones'.
	Mae Brenda wedi addasu sawl llyfr Saesneg hefyd, yn eu plith - Colli Aur, Tomos y Tanc, Ennill Arian ac Os Mêts Mêts.
	Hoff lyfr Cymraeg Blwyddyn 6 Ysgol Pen-y-bryn mewn pleidlais eleni oedd Bwli a Bradwr.
	Hoff lyfr Brenda yw Bwli a Bradwr a ysgrifennodd yn 1996.
	Mae Bwli a Bradwr wedi ei leoli ym Methesda - adeg streic fawr Chwarel Penrhyn yn 1900-1903.
	Cymerodd Brenda flwyddyn i ysgrifennu Bwli a Bradwr.
	Jac Jones a Peter Brown sydd yn gwneud lluniau ar gyfer ei llyfrau.
	Mae lluniau anifieiliad Jac Jones wastad yn golygu rhywbeth arall - edrychwch ar dudalen 26 yn Bwli a Bradwr.
	Mae Brenda Wyn Jones ar restr fer cystadleuaeth Tir-Na-N'og eleni.
	Mae 'Giant Tales of Wales', addasiad Saesneg o Campau Saith Cawr, wedi ei gynnwys ar rhestr Book Trust yn Llundain fel un o'r cant llyfr gorau i blant yn 1998.

Gwenllian Dafydd, Carwyn Stokes a Sion Doyle o Ysgol Pen-y-bryn, Bethesda.

Ewch i ddarllen adolygiad Llyfr y Mis o Bwli a Bradwr ar Safle Llythrennedd ar y We!