Awdur y mis - Ebrill


Dawn Dweud Diddorol
Michael Harvey yn adrodd ei stori a phawb yn gwrando yn astud.	Un diwrnod yn Ionawr daeth dyn o’r enw Michael Harvey i ysgol Niwbwrch. Dywedodd storiau gan ddyn o’r enw Abraham Wood. Sipsi oedd Abraham. Dywedodd Mr. Harvey fod e’n cario ffidil o gwmpas gyda fo. Roedd yn cario y ffidil mewn bocs. Fy hoff stori oedd Jac ar bluen. Roeddwn i yn hoffi Michael achos roedd e’n defnyddio ei ddwylo a’i lais i wneud y storiau yn well. *Kayleigh Williams.*
Un bore daeth dyn o’ r enw Mr Michael Harvey i’r ysgol i ddweud storiau wrthym. Roedd Michael Harvey yn dweud fod sipsi o’r enw Abraham Wood wedi dweud y storiau yn bell bell yn ol wrth ei deulu pan oeddent yn eistedd o gwmpas tan y gwersyll. Daeth y storiau i lawr o genhedlaeth i genhedlaeth nes y clywodd Michael Harvey hwy a phenderfynodd fynd o gwmpas yn eu hadrodd. Un o fy hoff storiau gan Michael oedd am Jac ar bluen. Ar ddechrau’r stori roedd Jac yn dlawd ond erbyn y diwedd, hefo help y ceffyl, cafodd briodi’r dywysoges. Roedd pawb yn gwrando ar Michael ac roedd yn dweud y storiau yn ddiddorol ac yn ddifyr gan ddefnyddio ei lais yn gryf ac yn ddistaw a defnyddio ei ddwylo. Roedd yn dweud y storiau ac nid yn eu darllen. Carwyn