Stori ddoniol yw hon ond gyda neges bwysig iawn am beryglon ysmygu. Mae’r stori yn cychwyn gyda thân yn sied cartref Gwenno, ac mae’r tân yn ddirgelwch nes cawn y stori i gyd gan Gwenno.

Mae Gwenno yn casau bod ei thad yn ysmygu trwy’r amser, felly mae hi’n penderfynu ceisio rhoi stop ar yr hen ymarfer ych-a-fi am byth. Mae’n trio sawl cynllun gwahanol: gwylltio, gofyn yn neis, rhoi posteri i fyny ym mhobman yn y ty, a mynd i’r llyfrgell i nol llyfrau yn dangos effeithiau ysmygu ar y corff. Ond nid oes dim yn gweithio, a pharhau i ysmygu ar y slei mae ei thad.

Yna un diwrnod, mae’r sied yn mynd ar dân, a’r gyfrinach y bu ei thad yn gweithio mor galed arno yn y sied hefyd yn llosgi’n ulw.

Oes yna ddiwedd hapus? Beth oedd yn y sied? Gaiff Gwenno yr anrheg penblwydd mae hi wedi bod yn ofyn amdano ers tro? Darllenwch y stori hawdd i’w darllen hon i gael gweld!

Iola Jôns, Gwasg Gomer £3.50

Cyw Hyll - addasiad gan Gwenno Hughes

Bywyd i'r Bobl - addasiad gan Meinir Pritchard

Trwco - addasiad gan Hefin Jones

Dilo - addasiad Gordon Jones

Jean ar y Sgrîn gan Gordon Jones