Mae’r ddau yn dechrau chwilio ar faes yr Eisteddfod am Gymro perffaith.  Dyn y papur newydd?  Na. Dynion tynnu rhaff?  Na.  Aelod o’r côr meibion?  Na. Mae nhw’n dod at aelodau’r Orsedd yn gorymdeithio - mae Blodwen yn meddwl eu bod yn mynd i barti wisg ffansi mewn pabell syrcas!  Dychmygwch beth sy’n digwydd pan mae Blodwen yn dwyn torch aur yr archdderwydd (mae ‘na lun o Geidwad y Cledd blin iawn!).  Tybed pwy felly ydi’r Cymro perffaith?  Rhaid i chi ddarllen y llyfr i gael gwybod.

Mae’r stori yn ddoniol ac mae ‘na luniau lliwgar ar bob tudalen.  Mae llawer o jôcs yn y lluniau hefyd.   Beth am fynd i’r llyfrgell i fenthyg y llyfr newydd yma?