 Mae’n
debyg fod rhai ohonoch chi wedi bod yn ddigon ffodus i gyfarfod Mei Mac tra roedd o’n
Fardd Plant Cymru 2001. Mae’r llyfr yma’n llawn o gerddi gwych gan Mei a
llawer o blant o ysgolion ledled Cymru. Mae ‘na rai cerddi doniol iawn fel Dwi Ofn!
gan Owen Rickards, cerddi annwyl a chynnes fel Fy Nhedi Bêr gan Catrin Gwyn Jones, a
cherddi am leoedd arbennig yng Nghymru fel Llangrannog a Dolbadarn. Dwi’n
hoffi Rwy’n Gwybod gan Mei Mac yn arbennig - cerdd sy’n tynnu sylw at rai
o’n dywediadau doniol ni. Mae’r llyfr hefyd yn llawn o luniau arbennig.
Felly ‘...plymiwch rhwng y cloriau i ddarllen am ffrindiau, nosweithiau o
ddathlu, y byd mawr, Cymru fach a llawer mwy!’
|
|
Awdur: Meirion MacIntyre Huws Cyhoeddwr: Hughes ISBN: 0852843143 Pris £3.99 |