Os wyt ti'n hoffi pêl droed a straeon am yr ysgol dyma stori ddifyr. Mae wedi ei hysgrifennu gan awdur sydd wedi ysgrifennu nifer o straeon ysgol da. Y tro hwn mae’n troi ei sylw at dimau pêl-droed ysgolion a'r helynt sydd yn codi ar y maes chwarae ac oddi arno. Yn y cyfarfod i ddewis tîm pêl-droed Ysgol Glanaber mae Mr. Mathews, y Prifathro, yn siomi Arwyn Jones yn fawr. Am y tro cyntaf erioed dim ond un tîm pêl-droed fydd yn chwarae i’r Ysgol yn y gynghrair ysgolion. Fel arfer roedd gan Ysgol Glanaber ddau dîm . Y chwaraewyr gorau yn y ddau ddosbarth uchaf fyddai’n chwarae yn y tîm cyntaf gyda chwaraewyr da eraill yn yr ail dîm .

Roedd  Arwyn Jones wedi breuddwydio ers blynyddoedd am gael chwarae i dîm pêl-droed yr ysgol. Y tro hwn roedd yn teimlo'n siwr y byddai yn yr ail dîm. Yn anffodus roedd y  prifathro yn rhy brysur yn paratoi ar gyfer ymweliad yr arolygwyr – ni fyddai ganddo  amser i hyfforddi dau dîm.

Pan mae tad Arwyn yn clywed am hyn mae’n penderfynu ffurfio a hyfforddi tîm newydd sbon – BMG Unedig. Ond un peth yw cael hyfforddwr, peth arall yw cael digon o aelodau i chwarae yng nghynghrair y cylch. Ydi tad Arwyn yn llwyddo i gael digon o fechgyn i ymuno?  Pam mae dewis yr enw BMG Unedig? Darllena y llyfr i gael gwybod.

Mae’r llyfr hwn y cyntaf o gyfres newydd ‘Cyfres Cefn Rhwyd’ – mae’r ail deitl ‘Yn y Baw a’r Llaca’ ar gael . Beth am edrych allan am y ddau lyfr?