Stiwdio Erch Dyma stori ryfedd a gwahanol iawn yn y gyfres Gwaed Oer. Mae pethau od iawn wedi bod yn digwydd ers i gwmni teledu Stiwdio Erch symud i’r ardal. Y broblem ydi, does neb yn coelio Iwan na’i gyd-ddisgybl Lowri pan mae’n nhw’n ceisio rhybuddio pobl bod Stiwdio Erch yn trio cael pawb i fod yn gas gyda’i gilydd. A beth yn y byd sydd wedi digwydd i Andy a’i gi Samson? Roedd Lowri yn meddwl iddi weld ci tebyg iawn i Samson ar y teledu - ar un o raglenni Stiwdio Erch, ond lle mae o rwan? Mae yna dipyn o waith darllen yn y llyfr yma ond mae’r stori yn gyffrous iawn. Erbyn y diwedd, mi fyddwch chithau ofn Stiwdio Erch ac yn methu’n lan a gwybod sut yn y byd y bydd Iwan a Lowri yn dianc o’r stiwdio erchyll.  Mae yna dro yng nghynffon y stori ond wnai ddim dweud wrthych chi os mai Stiwdio Erch sy’n ennill yn y diwedd!

Cyhoeddwr: Gwasg Gomer