Wyt ti erioed wedi breuddwydio am gael neidio allan o awyren a nenblymio tua’r ddaear, cyn tynnu’r llinyn ac agor y parasiwt? Dyna hefyd ydi breuddwyd Rob, wrth iddo helpu yn y maes awyr. Pan ddaw Llinos yno am wersi mae’n amlwg fod ofn mawr arni.

Mae ‘na bethau amheus yn digwydd yn y maes awyr hefyd – pam fod un o’r peilotiaid yn flin ar ôl i Llinos dynnu llun o’i awyren? Pwy oedd y teithwyr dirgel? Ydi hi’n wir fod rhywun yn smyglo cyffuriau?

Rhaid i Rob  a Llinos geisio datrys y dirgelwch ond mae eu bywydau mewn perygl. Wrth neidio o’r awyren mae parasiwt Llinos yn torri ac mae hi’n hyrddio’n wyllt trwy’r awyr. Rhaid i Rob ei helpu ond mae’r ddaear yn dod  yn nes bob eiliad…..

Stori gyffrous yn y gyfres Byd o Beryglon sy’n siwr o apelio at bawb sy’n hoffi antur.
                

Awdur: Gary Paulsen (addasiad Esyllt Nest Roberts)
Gwasg Carreg Gwalch
£2.99
ISBN:  0863816851