 Dyma
stori sydd wedi ei seilio ar ddigwyddiadau yn 2001, pan oedd y clwy
traed a’r genau yn achosi poendod i ffermwyr ledled y wlad.
Adroddir yr hanes ar ffurf dyddiadur gan Beca, merch fferm dair ar ddeg
oed. Mae’r dechrau yn
ein cyflwyno i Beca, ei theulu, ac anifeiliaid y fferm, fel Caradog y
tarw, Jemeima’r hwch, Josh bach yr oen, Bobs y ci a Glain ei cheffyl. Wrth i’r clwy nesau tuag at y ffermydd cyfagos mae'r
stori'n cyflymu ac yn mynd
yn fwy diddorol. Dim ond
anifeiliaid sydd â charn hollt mae’r clwy yn ei daro, felly mae Glain a
Bobs yn saff…ond rhaid i Beca wylio pob un anifail arall ar y fferm
yn cael eu difa. Gan ein bod
ni wedi dod i adnabod yr anifeiliaid yn dda, mae’n anodd iawn darllen
amdanynt yn gorfod cael eu lladd. Mae’r
rhan yma o’r stori yn erchyll a thrist ofnadwy.
Bydd plant nad ydynt yn byw yn agos i gefn gwlad, yn gallu deall
teimladau’r ffermwyr gafodd eu heffeithio gan y clwy’ yn llawer gwell
ar ôl darllen y llyfr hwn.
|