Darllen yn y Blynyddoedd Cynnar

_{________________________________________}

DARLLEN YN Y BLYNYDDOEDD CYNNAR YN YR YSGOL

Mae pob plentyn angen dysgu darllen; mae’n allwedd i addysg gyflawn. Mae’r gair printiedig yn elfen holl bresennol yn ein byd a chan fod y byd llyfrau yn fyd cyfoethog i bob oed, o fethu darllen caiff y plentyn ei amddifadu o ddimensiwn angenrheidiol yn ei ddatblygiad.

Mae’n bwysig i ni ddeall mai proses yw darllen. Nid methu darllen un diwrnod a gallu y diwrnod nesaf mae plentyn. Nid oes ychwaith un ffordd arbennig o wneud i’r broses yma ddigwydd; felly mae amrywiol ffyrdd y gellir eu defnyddio i ddysgu plant i ddarllen.

Yn anad dim, mae’n rhaid meithrin chwaeth ac agweddau cadarnhaol tuag at lyfrau o’r cychwyn cyntaf.