HAEN 3

Yn Llanddeusant mae fferm o'r enw Clwchdernog. Roedd morwyn yn byw ar y fferm. Enw'r forwyn oedd Siān.

Un noson roedd Siān yn ei gwely.  Yn sydyn daeth bwgan i mewn i'r llofft.  Nid oedd Siān yn gallu gweld y bwgan ond roedd hi yn gallu clywed ei swn.  Roedd y bwgan yn gwneud swn fel tasa fo yn rhwygo defnydd.

"Os wyt ti yn rhwygo defnydd, wnei di rwygo defnydd i mi hefyd."meddai Siān

Dechreuodd y bwgan wneud twrw mawr.  Bu'n gwneud twrw mawr drwy'r nos.  Doedd Siān ddim yn medru cysgu.

Yn y bore aeth Siān i ddweud wrth bawb am y bwgan. Daeth y bwgan yn enwog iawn. Ymhen llawer iawn o flynyddoedd aeth dyn i Glwchdernog.  John Hughes oedd enw'r dyn.  Roedd o eisiau priodi'r forwyn.  Pan oedd o yn eistedd yn y gegin daeth y bwgan i'r ystafell.  Dechreuodd y bwgan wneud y swn eto.  Swn fel tasa fo yn rhwygo defnydd.

Gofynnodd John Hughes i'r bwgan,

"Pam wyt ti yn dod i'r ty yma i boeni pawb ?"

Meddai'r bwgan,

"Mae trysor wedi cael ei guddio wrth ymyl y Ffynnon Wen.  Babi bach y ty yma bia'r trysor.  Dos i nōl y trysor a'i roi o i'r babi.   Mi fydda i yn hapus wedyn.  " Aeth John Hughes a theulu Clwchdernog i chwilio am y trysor.  Cawsant hyd i gist fawr yn y ddaear. Yn y gist roedd aur ac arian.  Aeth John Hughes ā'r gist i'r ty ac i ystafell y babi.  Ac yn wir i chi welodd neb y bwgan yng Nghlwchdernog wedyn.