| Beth sy’n cyfrif…. 12 tip gan Anita Straker, cyfarwyddwraig y Strategaeth Rhifedd Cenedlaethol,
ar gyfer gwers fathemateg ddyddiol.
- Tynnwch sylw pawb i’r ffaith fod y wers yn barod i gychwyn.
- Cynheswch gydag ymarfer pen cyflym. Gwnewch hyn yn hwyl a cheisiwch
wneud rhywbeth gwahanol bob dydd.
- Dechreuwch gyda rhywbeth hawdd sy’n galluogi pawb i gymryd rhan
– cyfrif fesul deg gan ddechrau a gwahanol rifau neu adrodd tablau am yn ôl.
- Ceisiwch gynnwys y plant cymaint a phosib. Rhowch gardiau rhif iddynt
eu dal i fyny fel ateb i gwestiynau.
- Gofynnwch i’r plant esbonio sut y maent wedi cyfrifo ateb, un ai
ar lafar neu yn ysgrifenedig ar fwrdd du/ gwyn
- Targedwch grwpiau neu unigolion gyda chwestiynau arbennig
- Gwnewch waith grwp yn waith y gallwch ei reoli – mae 4 grwp yn
ddigon fel arfer, gyda gwaith ar dair haen. Gall y grwpiau yn y "canol" wneud yr
un weithgaredd.
- Gosodwch amser pendant i’r grwpiau gwblhau eu tasgau.
Canolbwyntiwch eich sylw ar ddau o’r grwpiau – peidiwch a neidio o un grwp
i’r llall. Eisteddwch gyda’r grwpiau hyn a’u dysgu am sawl munud. Targedwch
y ddau grwp arall yn y wers nesaf.
- Tuag at y diwedd, dewch a’r dosbarth yn ôl at ei gilydd ar
gyfer mwy o gwestiynnu a datrys unrhyw broblemau a gododd yn ystod y gweithgareddau.
- Gorffennwch drwy dynnu sylw’r plant at un neu ddau o syniadau a
gododd neu ffeithiau a ddysgwyd yn y wers, a beth y dylent gofio erbyn y wers nesaf.
- Paratowch yn drylwyr, fel eich bod yn gwybod beth yn union yr ydych
am i’r plant ei ddysgu, nid dim ond beth maent am ei wneud. Cynlluniwch y
cwestiynau yr ydych am eu gofyn.
- Unwaith neu ddwy yr wythnos rhowch waith i’r plant ei wneud
adref sy’n ymestyn gwaith y dosbarth – pôs efallai, neu gęm rhifau i chwarae
gyda’u teuluoedd.
|
