Deunyddiau Dysgu
      
GWEITHGAREDDAU: 

Wendi Wlanog
_________________________________________________________________________

Gweithgareddau mathemategol

 
Trên bach y Wyddfa

Nodir y rhan berthnasol o Fframwaith Y Strategaeth Rhifedd Cenedlaethol (Lloegr) cyn pob gweithgaredd.

Rhaglen addysgu Blwyddyn 1

RHIFAU A’R SYSTEM RIFAU


Cyfri, priodweddau rhifau a dilyniannau rhif
-gwybod enwau rhifau a’u hadrodd mewn trefn hyd at o leiaf 20
-cyfrif o leiaf 20 gwrthrych yn gywir
Gweithgareddau
-cyfri cerbydau’r trên ar lafar ac yn ymarferol
-darllen ac ysgrifennu’r rhifau yn drefnus gan ddechrau efo 1 (taflen 1), yna o unrhyw rif ymlaen ac yn ôl, fesul 2, 3, 5 a 10 ar y taflenni (taflen 2)
-cyfri mewn odrifau (taflen 3)ac eilrifau (taflen 4) ar lafar ac ar y taflenni
-amcangyfri nifer y cerbydau sydd yn cael eu tynnu gan yr injian drên

 

GWERTH LLE A THREFNU


 Deall a defnyddio geirfa sy’n ymwneud â chymharu a threfnu rhifau gan gynnwys trefnolion hyd at o leiaf 20.
Trefnu rhifau at oleiaf 20 a’u lleoli ar drac rhif.


Gweithgareddau
Gwneud trac y rheiffordd efo 20 gwagle a rhoi cwestiynau a chyfarwyddiadau i’r plant eu cwblhau drwy leoli’r rhifau ar y trac e.e

  • Rhowch lili ar y pumed gwagle.

  • Pa rif sydd ddau yn llai na’r pump? Rhowch ddafad ar y gwagle yma.

  • Rhowch fag Wendi ar y gwagle olaf. Pa rif ?


CYFRIFO

Strategaethau cyfrifo’n y pen(+ a -)
Adnabod dyblau agos gan ddefnyddio dyblau sydd eisoes yn hysbys.

Gweithgaredd-Gêm pâr Trên Bach yr Wyddfa

Taflen dyblau a dyblau agos a’r cerbydau wedu’u torri allan yn unigol,(taflen 5) a ( taflen 6).
Set o gardiau digid i 20.
Rhoi’r cardiau ar eu pennau i lawr.
Yn eu tro, y chwaraewyr i godi un cerdyn a gweithio allan cyfanswm y sym ar y cerbyd. Wedyn dewis y cerdyn digid cywir a’i roi ar y cerbyd, gan roi’r cerbydau yn eu trefn rifol gywir wrth fynd ymlaen.
Amrywiad: Gellir cyfri yn ôl hefyd


MESURAU

Deall a defnyddio’r eirfa sy’n gysylltiedig ag amser.


Gweithgaredd

-Defnyddio cerbydau’r trên i enwi misoedd y flwyddyn a’r tymhorau gan roi’r lluniau ac enwau’r plant ar y cerbydau perthnasol.

 

Y Creaduriaid

 

SIÂP A GOFOD

Plygu siapiau yn eu hanner ac yna eu gwneud yn batrymau cymesurol.

Gweithgareddau

-Lluniau o’r pili pala a’r plant i’w gwneud yn gymesur.
-Gwneud gyda’r gwenyn yn yr un modd gan eu lliwio’n gymesur hefyd.
-Torri siocled Wendi yn ei hanner mewn gwahanol ffyrdd a’i wneud yn gymesur.

 

MESURAU

Cymharu màs dau beth drwy gymhariaeth uniongyrchol gan ddefnyddio geirfa berthnasol.

  • Defnyddio gwrthrychau ym mag Wendi Wlanog i fesur yn ansafonol, i ddarganfod y pethau trymaf, ysgafnaf a’r rhai sy’n cydbwyso e.e. rwbiwr, pensil, can diod, siocled, chwistrellwr, ffon.

  • Defnyddio mesurau safonol – kilo, hanner kilo, 500gram, 200gram, 100gram, 50gram, 10gram i fesur màs y gwrthrychau uchod.

 

RHIFAU A’R SYSTEM RIFAU

Gwerth lle a threfnu

Dechrau dod i wybod beth mae pob digid mewnrhif dau ddigid yn ei gynrychioli. Dosrannu rhifau i ddegau ac unedau.

Gweithgaredd-Corlannu'r Defaid

Cyfri a rhoi’r defaid mewn corlannau o ddeg.
Ni ellir rhoi ond 10 dafad mewn corlan.
Bydd y gweddill allan,sy’n gwneud 1 set o 10 a 4 dafad drosodd, yn unig yn y cae.

 

CYFRIFO

Dechrau ymwneud â lluosi a rhannu yn ymarferol.

Gweithgaredd- Wyau'r Gornchwiglen

Cyflwyno rhannu yn ymarferol drwy roi nythod a wyau i’r plant a dweud wrthynt fod angen 3 ŵy ym mhob nyth. Sawl nyth sydd ei angen? Sawl ŵy gawn ni mewn 4 nyth?

Gweithgaredd- Petalau'r Blodau

  • cyfri’r petalau fesul 5 gan gyflwyno lluosi fel adio trosodd a throsodd
  • rhoi canol y blodau i’r plant a hwythau i ddarganfod y nifer o betalau sydd eu hangen
  • sawl blodyn sydd ganddom os oes gennym 15 o betalau?

Gweithgaredd- Buwch Goch Gota

Deall adio a thynnu

Deall y weithred o adio a thynnu a dechrau dod i wybod ffeithiau adio ar gyfer pob pâr o rifau hyd at 10.

Bondiau rhif i 7 gyda smotiau ar y fuwch goch gota